Վրացական «Ռուսթավի 2»-ի նոր տնօրինությունն աշխատանքից ազատում է հիմնական լրագրողներին

Հոդվածի առանցքում

• Վրաստանի ամենամեծ ընդդիմադիր հեռուստաընկերությունը՝ «Ռուսթավի 2»-ը վերափոխելու մտադրության մասին նոր սեփականատիրոջ հայտարարությունից մեկ օր անց նորանշանակ տնօրենն աշխատանքից հեռացրել է մի քանի առաջատար լրագրողների: Տնօրեն Պաատա Սալիայի ցուցակում են լրատվական բաժնի ղեկավար Նոդար Մելիան և մեկնաբան Գիորգի Գաբունիան, որը հայտնի է Ռուսաստանի նախագահ Վլադիմիր Պուտինի դեմ իր տհաճ հայտարարություններով:

Ուշադրությանն արժանի

• Նոր Զելանդիայի մզկիթի վրա հարձակվողը ոգեշնչված է եղել Հայաստանի և Վրաստանի պատմությունից
• Հարավային կովկասի ժողովրդավարական երազանքը
• Հունաստանը ցանկանում է, որ Գերմանիան վճարի Երկրորդ համաշխարհային պատերազմի համար

Վրաստանի ամենամեծ ընդդիմադիր հեռուստաընկերությունը՝ «Ռուսթավի 2»-ը վերափոխելու մտադրության մասին նոր սեփականատիրոջ հայտարարությունից մեկ օր անց նորանշանակ տնօրենն աշխատանքից հեռացրել է մի քանի առաջատար լրագրողների:

Տնօրեն Պաատա Սալիայի ցուցակում են լրատվական բաժնի ղեկավար Նոդար Մելիան և մեկնաբան Գիորգի Գաբունիան, որը հայտնի է Ռուսաստանի նախագահ Վլադիմիր Պուտինի դեմ իր տհաճ հայտարարություններով:

Հայտնի մեկնաբաններ, ինչպիսիք են Նանուկա Ջորջոլիանին և Էկա Կվեսիտաձեն, նույնպես ազատվել են աշխատանքից:

Պաատա Սալիան «Ռուսթավի 2»-ի սեփականատեր Կիբար Խալվաշիի նախկին փաստաբանն է և ասում է, որ աշխատանքից ազատվածների վարքագիծը և հայտարարությունները հակասում են «Ռուսթավի 2»-ի շահերին, և քանի որ նրանք իրենց համարում են ընկերության նախկին տնօրեն Նիկա Գվարամիայի թիմի անդամներ: Սալիան նաև նրանց մի մասի դեմ ֆինանսական մեղադրանքներ է հնչեցրել:

«Ռուսթավի 2» -ի լրագրողները գործընթացը անվանել են «զտում»: Նոդար Մելաձեն ասել է, որ հեռուստաընկերության վաճառքից հետո, երբ Կիբար Խալվաշիին գնել է այն, երկու շաբաթ անց իրեն մոտեցել են Բիձինա Իվանիշվիլիին մոտ կանգնած անձիք և առաջարկել են համագործակցել: Լրագրողը մերժել է:

Սալիան «Ռուսթավի 2»-ի նորությունների աշխատակազմին առաջարկել է ընտրել հեռուստաալիքի կողքին մնալու և հեռանալու միջև:

Միաժամանակ, հեռուստաընկերության նախկին տնօրեն Նիկա Գվարամիան իր նախկին գործընկերներին կոչ է արել զանգվածաբար լքել «Ռուսթավի 2»-ը և միանալ իր նոր լրատվական թիմին՝ «Մտավարի Արխի» հեռուստաալիքում («Հիմնական ալիք»):

«Ռուսթավի 2»-ի գլխավոր լրատվական ծրագիր «Կուրիեր»-ը դադարեցրել է հեռարձակումը: Մեկնաբաններից մեկը՝ Դիանա Ջոջուան ասել է, որ ինքը չի կարող աշխատել «Վրաստանում Կրեմլի գլխավոր հարթակներից մեկը համարվող» հեռուստաալիքում: Ավելի վաղ «Ռուսթավի 2»-ի տնօրենը աշխատանքից հեռացրել էր լրատվական ծառայության ղեկավարին և բոլոր հիմնական լրագրողներին:

Հոդվածի բնօրինակն՝ այստեղ