ՌԴ կառավարությունը սպառնում է հայկական լրատվակայքին

Հոդվածի առանցքում

• Ռուսաստանի իշխանությունները սպառնում են իրենց տարածքում արգելափակել OCCRP-ի գործընկեր Hetq.am-ը, եթե հայկական լրատվակայքը չհեռացնի 2017թ-ին հրապարակած հոդվածը: Այն Չեխիայում ձերբակալված ՌԴ քաղաքացու մասին է: 2017-ի մայիսին Հետքը  գրեց Ռուբեն Թաթուլյանի մասին` հղում կատարելով ռուսաստանյան լրատվամիջոցներին և տեսանյութերի, որոնք դեռ հասանելի են համացանցում: Թաթուլյանը ՌԴ քաղաքացի է, բայց, ինչպես հաղորդվում է, ձերբակալվելու պահին ներկայացրել է ՀՀ դիվանագիտական անձնագիր:

Ուշադրությանն արժանի

• Իրանը սպառնում է պատասխանել, եթե ԱՄՆ-ն Իսլամական հեղափոխության պահապանների կորպուսը հայտարարի ահաբեկչական կառույց
• Դիվանագիտական ​​ճնշումների արդյունքում Հոլանդիան ընդդիմադիր ակտիվիստին հանձնել է Տաջիկստանի իշխանություններին
• Միխայիլ Գորբաչով. Ջորջ Բուշի հետ սառը պատերազմին վերջ դրեցինք, իսկ այսօր խաղաղությունը վտանգված է

Ռուսաստանի իշխանությունները սպառնում են իրենց տարածքում արգելափակել OCCRP-ի գործընկեր Hetq.am-ը, եթե հայկական լրատվակայքը չհեռացնի 2017թ-ին հրապարակած հոդվածը: Այն Չեխիայում ձերբակալված ՌԴ քաղաքացու մասին է:

2017-ի մայիսին Հետքը  գրեց Ռուբեն Թաթուլյանի մասին` հղում կատարելով ռուսաստանյան լրատվամիջոցներին և տեսանյութերի, որոնք դեռ հասանելի են համացանցում: Թաթուլյանը ՌԴ քաղաքացի է, բայց, ինչպես հաղորդվում է, ձերբակալվելու պահին ներկայացրել է ՀՀ դիվանագիտական անձնագիր:

2017-ի սեպտեմբերին Հետքը Ռոսկոմնադզորից նամակ ստացավ այն մասին, որ Թաթուլյանը դիմել է իրենց` խնդելով օգնել և հարկադրել Հետքին հեռացնել իր մասին հրապարակված անձնական տեղեկությունները:

Անցած ամիս Հետքը ստացել է արգելափակման մասին 4 զգուշացում: Հայկական aravot.am կայքը ՌԴ տարածքում արդեն արգելափակված է:

Թաթուլյանը ձերբակալվել է հանցավոր աշխարհի առաջնորդների հավաքի ժամանակ, բայց նրան ազատ են արձակել դիվանագիտական անձնագրի պատճառով: Հայաստանի ԱԳՆ խոսնակը պարզաբանել է, որ նա դինավագիտական անձնագիր ուներ երկրի տնտեսության զարգացմանն ու ներդրումներ գրավելուն ուղղված ակտիվ քայլերի համար:

ԱՄՆ-ն Թաթուլյանի անունը գրանցել է Արտասահմանյան ակտիվների վերահսկման գրասենյակի (OFAC)  սև ցուցակում միջազգային լրջագույն քրեական գործունեության  մեջ ներգրավված լինելու հիմնավորմամբ:

Հետքը երկուշաբթի հայտարարել է, որ դիմել է ՀՀ արդարադատության նախարարությանը հարցի վերաբերյալ պաշտոնական մեկնաբանություն ստանալու նպատակով և սպասւոմ է պատասխանի:

Հոդվածի բնօրինակն՝ այստեղ