Ջուլիանին այցելել է Երևան` Եվրասիական ֆորումին
Հոդվածի առանցքում
- Ջուլիանին ասել է, որ Հայաստան է ժամանում մասնավոր այցով՝ ռուս-հայկական գործարար և Ռուսաստանի հայերի միության նախագահ Արա Աբրահամյանի հրավերով:
Ուշադրությանն արժանի
ԱՄՆ նախագահ Դոնալդ Թրամփի անձնական փաստաբան Ռուդի Ջուլիանին Երևան է ժամանել՝ մասնակցելու Եվրասիական տնտեսական միությանը նվիրված ֆորումին, որը ղեկավարում է Ռուսաստանի գլխավորած տնտեսական բլոկը:
Նյու–Յորքի նախկին քաղաքապետ Ջուլիանին վերջին շրջանում աչքի է ընկել Թրամփին իր լիարժեք և հաճախ վիճելի փաստերով պաշտպանելով, քանի որ նախագահը սիրում է մի հակասությունից մյուսի մեջ հայտնվել:
Ջուլիանին ասել է, որ Հայաստան է ժամանում մասնավոր այցով:
«Ես այստեղ եմ մասնավոր այցով, որպեսզի որոշ փաստեր ուսումնասիրեմ առաջին անգամ Հայաստան այցի ժամանակ», – նա ասել է լրագրողներին հոկտեմբերի 22-ին Հայոց ցեղասպանության զոհերի հուշահամալիր այցելության ժամանակ: Տեղացի լրագրողների հարցին, թե արդյոք ինքը ճանաչում է Հայոց ցեղասպանությունը, որը ԱՄՆ–ի կառավարությունը պաշտոնապես չի արել, Ջուլիանին ասել է: «Ես, անշուշտ, ճանաչում եմ: Կարծում եմ, դա պատմական փաստ է, բայց ես այստեղ եմ ոչ որպես նախագահ Թրամփի անձնական իրավաբան, ես այստեղ մասնավոր այցով եմ»:
Ջուլիանին նաև հուշարձանին ծաղիկներ է դրել ու ծառ տնկել:
Նույն օրը Ջուլիանին այցելել է Պաշտպանության նախարարություն և հանդիպել Դավիթ Տոնոյանի հետ, որը նրան ծանոթացրել է Հայաստանի անվտանգության միջավայրին:
Ջուլիանին Երևան է եկել ռուս–հայկական գործարար և Ռուսաստանի հայերի միության նախագահ Արա Աբրահամյանի հրավերով:
Ի դեպ, Արա Աբրահամյանը հպարտանում է ՌԴ նախագահ Վլադիմիր Պուտինի հետ իր կապերով:
«Նա հրահանգներ է տալիս, ես դրանք կատարում եմ», – ասել է Աբրահամյանը Պուտինի մասին:
Աբրահամյանը հրապարակավ դեմ էր հանդես եկել Նիկոլ Փաշինյանի իշխանության գալու ձգտումներին` պնդելով, որ Փաշինյանի կազմակերպած բողոքի «իրական նպատակն» ապակայունացումն է և Հայաստանին տնտեսական վնաս պատճառելը:
Հասկանալի չէ, թե ինչպես է Աբրահամյանը Ջուլիանիին Երևան բերել, բայց ամերիկացին մի գրառում ունի փողի համար ուրիշ երկրի քաղաքականության մեջ իր ներգրավվածության մասին: Օգոստոսին, Ջուլիանին դեմ էր արտահայտվել Ռումինիայում հակակոռուպցիոն ջանքերին, ինչը հակասում էր Պետդեպարտամենտի պաշտոնական դիրքորոշմանը: Հետագայում նա խոստովանել էր, որ կապ է ունեցել մի լոբբիստական ընկերության հետ:
Տպավորություն չի ստեղծվում, թե Ջուլիանին մասնակցում է Եվրասիայի շաբաթի հետ կապված ցանկացած պաշտոնական արարողությանը, որը սկսվել է հոկտեմբերի 22-ին և որի պատճառով է նրա այցելել Հայաստան:
«Ֆորումի նպատակն է նպաստել ինտեգրմանը, մեծացնել տնտեսական հնարավորությունները և ընդլայնել համագործակցությունը Եվրասիական միության երկրների միջև», – ասվում է միջոցառման կայքում: Եվրասիական միություն դաշինքի մեջ Ռուսաստանն է, Հայաստանը, Բելառուսը, Ղազախստանը և Ղրղըզստանը, այն ուղղված է տարածաշրջանի տնտեսությունների ինտեգրմանը:
Չնայած միջոցառման կենտրոնում Ռուսաստանն է, Ջուլիանիի այցը կարող է Հայաստան-ԱՄՆ կապերի խթան հանդիսանալ, ասել է վերլուծաբան Սուրեն Սարգսյանը: Հենց նա էր առաջինն իր ֆեյսբուքյան էջում տարածել Ջուլիանիի այցի մասին լուրը:
«Մեր երկրի ղեկավարությունն ուղիղ կապ կհաստատի նրա հետ: Ծանոթությունը կարող է նպաստել ԱՄՆ ղեկավարության հետ հետագա հարաբերություններին: Նա կարող է լինել Երևանն ու Վաշինգտոնը կապող օղակը», –ասաց Սարգսյանը «Թերթ.am» հայկական պարբերականին տված հարցազրույցում: Ջուլիանիի այցին անմիջապես կհետևի Թրամփի մեկ այլ դաշնակից, Ազգային անվտանգության հարցերով խորհրդական Ջոն Բոլթոնի այցը:
Ջուլիանիի խորհրդատվական ընկերությունը չի արձագանքել Eurasianet- ի էլեկտրոնային փոստին, որտեղ խնդրում էին մեկնաբանել: Ֆորումը շարունակվելու է մինչև հոկտեմբերի 24-ը:
Հոդվածի բնօրինակն՝ այստեղ:
Write a comment
