Հայաստանի նոր իշխանությունը քննարկում է ազգային օրհներգը փոխելու հարցը

Հոդվածի առանցքում

• Ալեն Սիմոնյանը Ազգային Ժողովի փոխխոսնակն է, հունվարի 25-ին առաջարկեց երկրի ներկայիս հիմնը փոխելու գաղափարը: Նա իր Ֆեյսբուքյան էջում հրապարակեց Խորհրդային Հայաստանի հիմնը, որի հեղինակը սիրված կոմպոզիտոր Արամ Խաչատրյանն է: Հրապարակումն ուղեկցվում էր հետևյալ գրությամբ,- «Սա հզոր հիմն է, որը համապատասպանում է բոլոր պահանջներին»:

Ուշադրությանն արժանի

• Ի՞նչ գիտենք մենք ռուսական քարոզչության մասին
• Հայկական Լեգեոնի պատմությունը, որն ունի ատելությամբ ու վրեժխնդրությամբ լի մութ էջեր, վերջապես բացահայտվել է
• Ի՞նչ պլաններ ունի Պուտինը Բելառուսի նկատմամբ

Ազգային օրհներգը փոխելու շուրջ քննարկումները Հայաստանում նոր չեն, այդուհանդերձ շատերի համար զարմանալի է, արդյո՞ք խնդիրը նորընտիր խորհրդարանի համար առաջնային պետք է լինի:

Խորհրդային տարիների օրհներգը վերադարձնելու առաջարկը շատերի կողմից բացասաբար ընկալվեց, հայաստանցիներից շատերը զարմանում են՝ արդյո՞ք խնդիրը նորընտիր խորհրդարանի ամենաառաջնային հարցերի թվում պետք է լինի:

Ալեն Սիմոնյանը Ազգային Ժողովի փոխխոսնակն է, հունվարի 25-ին առաջարկեց երկրի ներկայիս հիմնը փոխելու գաղափարը: Նա իր Ֆեյսբուքյան էջում հրապարակեց Խորհրդային Հայաստանի հիմնը, որի հեղինակը սիրված կոմպոզիտոր Արամ Խաչատրյանն է: Հրապարակումն ուղեկցվում էր հետևյալ գրությամբ,- «Սա հզոր հիմն է, որը համապատասպանում է բոլոր պահանջներին»: Անվանի կոմպոզիտոր, երաժիշտ Արա Գևորգյանը հրապարակման տակ հետևյալ մեկնաբանությունն էր թողել,- «Հիասքանչ հիմն է, անհամբեր սպասում ենք այն վերականգնելու որոշմանը»:

Այնուհետև Սիմոնյանը Ֆեյսբուքյան հարցում անցկացրեց՝ հանրային տրամադրությունները պարզելու համար: Ավելի քան 6.500 մարդ քվեարկեց, որից երկու երրորդը հոգուտ հիմնի փոփոխության:

Գործող հիմնն առաջին անգամ ընդունվեց 1918թվականին Հայաստանի Հանրապետության կարճ ժամանակահատվածում: Այն փոխվեց Խորհրդային Միության ժամանակ: Արամ Խաչատրյանի հեղինակած հիմնն ընդունվեց 1944 թվականին և մնաց մինչև Խորհրդային Միության փլուզումը: Անկախացած Հայաստանի Հանրապետությունը վերականգնեց նախկին՝  1918 թվականին ընդունված օրհներգը:

Գործող օրհներգը շատերի կողմից չընդունվեց, հիմնականում էսթետիկ հիմնավորումներով: Հայաստանի նոր խորհրդարանը կազմվել է ընդամենը երեք շաբաթ առաջ, որտեղ մեծամասնություն է կազմում վարչապետ Նիկոլ Փաշինյանի գլխավորած «Իմ քայլը» դաշինքը: Սիմոնյանի առաջրկը լայն շրջանակներում քննարկման առարկա դարձավ՝ շատերի մոտ հարց առաջացնելով, թե որքանով է կարևոր հիմնի փոփոխության հարցը:

«Մենք հրատապ լուծում պահանջող այնքան խնդիրներ ունենք, որոնց մեջ հիմնի փոփոխության հարցի չի մտնում»,- ասում է էթնոգրաֆ Սվետլանա Պողոսյանը, -«Հրատապ խնդիր չէ, ավելի լուրջ մարտահրավերներ ունենք»:

Սիմոնյանը նույնիսկ Հայաստանի դրոշը փոխելու հարց բարձրացրեց, որն այժմ պարզ եռագույն է, առաջարկելով խաչ ավելացնել, ավելի ուշ, սակայն, պարզաբանեց, որ կատակում է: Բայց օնլայն հարթակում օգտատերերն արդեն հումորային արշավ էին սկսել, առաջարկելով նոր դրոշի վրա պատկերել Ալեն Սիմոնյանի կամ Հիսուսի դեմքը:

Քաղաքական հումորի ArmComedy  հաղորդաշարն էլ հրապարակում արեց՝ նշելով, որ Ալեն Սիմոնյանն առաջարկում է փոխել մայրաքաղաքը: «Եկեք ազնիվ լինենք, Երևանը մեր սիրելի քաղաքներից մեկն է, բայց այն ասոցացվում է նախկին իշխանությունների հետ»:

Վերջին անգամ հիմնը փոխելու հարցը բարձրացվել է 2006 թվականին, այդուհանդերձ, այն չփոխվեց: «2006-2007  թվականներին իշխանությունները նույնպես ցանկանում էին փոխել հիմնը, մենք պայքարեցինք այն ժամանակ, պայքարելու ենք նաև հիմա», – ասում է  Հայ Հեղափոխական Դաշմակցության անդամ Գեղամ Մանուկյանը: «Այսօր նա (Ալեն Սիմոնյանը) հանդգնում է խորհրդարանում ասել, որ անհրաժեշտ է փոխել հիմնը, որովեհետև այն իրեն չի հուզում: Նրանք փորձում են փոխել խորհրդանիշներն ու դրանք հարմարեցնել իրենց ճաշակին»:

Հիմնը փոխելու մասին օրինագիծ խորհրդարանի օրակարգում չկա: Բայց Սիմոնյանն ասել է, որ դիտարկում է նաև այլընտրանքային տարբերակ, օրինակ՝ հանրաքվե:

Հոդվածի բնօրինակն՝ այստեղ