Իրանը սպառնում է ոչնչացնել Իսրայելը

Հոդվածի առանցքում

• Իրանի Իսլամական հեղափոխության պահապանների կորպուսի ղեկավարի տեղակալ, բրիգադի գեներալ Հոսեյն Սալամիի կարծիքով, Իսրայելի կողմից Իրանի դեմ ցանկացած հարձակում «անպայման կհանգեցնի ինքնաոչնչացման»: Սալամին խոսել է այն բանից հետո, երբ Իսրայելը 11 մարդ է սպանել Սիրիայում իրանական ռազմակայանները հրթիռակոծելու արդյունքում:

Ուշադրությանն արժանի

• Երեսնամյա ցեղասպանություն. The New York Times-ի անդրադարձը հայկական կոտորածներին
• Պուտինի զենքը. «Հետախուզական պետություն»
• Բրեքզիթ. Կարո՞ղ է արդյոք Բրիտանիայի վարչապետ Թերեզա Մեյը մնալ պաշտոնում

 

Իրանի հեղափոխության պահապաններ զորամիավորման բարձրաստիճան հրամանատարը սպառնում է ոչնչացնել Իսրայելը, եթե այն փորձի պատերազմ սկսել Իրանի դեմ:

Իրանի Իսլամական հեղափոխության պահապանների կորպուսի ղեկավարի տեղակալ, բրիգադի գեներալ Հոսեյն Սալամիի կարծիքով, Իսրայելի կողմից Իրանի դեմ ցանկացած հարձակում «անպայման կհանգեցնի ինքնաոչնչացման»:

Սալամիի խոսել է այն բանից հետո, երբ Իսրայելը 11 մարդ է սպանել Սիրիայում իրանական ռազմակայանները հրթիռակոծելու արդյունքում:

Թեհրանը պատերազմող այդ երկրում տեղակայել է իր զինված ուժերը բռնապետ Բաշար ալ-Ասադին աջակցելու համար, սակայն Իսրայելը վախենում է, որ իր թշնամին օգտագործում է պատերազմը իր սահմաններում մշտական ռազմական ներկայություն հաստատելու համար:

Սալամին, խոսելով պետական հեռուստատեսության եթերում, ասել է. «Մենք հայտարարում ենք, որ եթե Իսրայելը որևէ պատերազմական գործողություն ձեռնարկի մեր դեմ, դա անպայման կհանգեցնի նրա ինքնաոչնչացմանը և օկուպացված տարածքների ազատագրմանը»:

Նրա խոսքերին զուգահեռ «Հեզբոլլահի» ղեկավար Հասան Նասրալլահը Իսրայելին զգուշացրել է Սիրիայում իր հարձակումների վերաբերյալ՝ ասելով, որ այն կարող է ներքաշել տարածաշրջանը պատերազմի մեջ:

Նասրալլահը ասել է ալ-Մայադեն հեռուստաընկերության եթերում, որ Իրանը, Սիրիան և Հեզբոլլահը ցանկացած պահին կարող են տարբեր գործողություններ ձեռնարկել Իսրայելի դեմ:

Անդրադառնալով Իսրայելի վարչապետ Բենիամին Նեթանյահուին, նա ասաց. «Զգույշ եղեք: Մի շարունակեք այն, ինչ անում եք Սիրիայում:

«Մի մոլորեցրեք և տարածաշրջանը պատերազմի կամ խոշոր դիմակայության մեջ մի ներքաշեք»:

Իրանցի պաշտոնյաները նախկինում ասել են, որ Թեհրանը, որը չի ճանաչում Իսրայելը, արագորեն կարձագանքի ցանկացած Իսրայելի հարձակմանը:

Իսրայելին աջակցել է ԱՄՆ նախագահ Դոնալդ Թրամփի որոշումը Իրանի միջուկային ծրագրի շուրջ 2015 թ. միջազգային պայմանագրից ԱՄՆ դուրս բերելու մասին և ողջունել Վաշինգտոնի պատժամիջոցների վերականգնումը Իրանի դեմ:

Իսրայելը դիտարկում է Իրանի միջուկային և բալիստիկ հրթիռների ծրագրերը որպես սպառնալիք իր գոյության: Իրանն ասում է, որ միջուկային ծրագրերը միայն խաղաղ նպատակներով են:

Այնուամենայնիվ, Թրամփի ցնցող հայտարարությունը, որ Սիրիայում գտնվող ամբողջ 2,000 ամերիկյան զորախումբը կվերադառնա տուն, թերևս զայրացրած կլինի հրեական պետությանը:

Թրամփն ասել է, որ խոսել է Նեթանյահուի հետ նախքան հայտարարությունը և վստահեցրել նրան, որ Իսրայելի շահերը կպաշտպանվեն:

«Մենք պատրաստվում ենք մեծ ուշադրություն դարձնել Իսրայելի վրա: Իսրայելի մոտ ամեն ինչ լավ կլինի », – ասել է նա:

«Մենք Իսրայելին ենք տալիս տարեկան 4,5 միլիարդ դոլար: Եվ մենք անկեղծորեն ավելի շատ ենք տալիս, քան գրանցված է գրքերում : Նրանք լավ աշխատանք են կատարում»:

Հոդվածի բնօրինակն՝ այստեղ