Թրամփը կշարունակի պայքարն ընդդեմ Իսլամական պետության

Թրամփը կշարունակի պայքարն ընդդեմ Իսլամական պետության

Հոդվածի առանցքում

  • Երկուշաբթի առավոտյան թվիթերյան իր գրառման մեջ Թրամփը հերքեց The New York Times- ին, թե իբր իր վարչակազմը հրաժարվել է դեկտեմբերյան հայտարարությունից Սիրիայից ԱՄՆ զորքերի դուրս բերման մասին: «Չկա որեւէ հակասություն իմ նախնական հայտարարության հետ, մենք դուրս կգանք պատշաճ կերպով՝ միաժամանակ շարունակելով պայքարել ԻՊ-ի դեմ եւ անել անհրաժեշտ ամեն ինչ», - գրել է նախագահը:

Ուշադրությանն արժանի

ԱՄՆ-ի նախագահ Դոնալդ Թրամփն ասել է, թե Միացյալ Նահանգները կշարունակեն պայքարել Սիրիայում Իսլամական պետություն խմբավորման (ISIS) դեմ, չնայած նախկինում նա պնդում էր, որ այն արդեն պարտվել է:

Երկուշաբթի առավոտյան թվիթերյան իր գրառման մեջ Թրամփը հերքեց The New York Times- ին, թե իբր իր վարչակազմը հրաժարվել է դեկտեմբերյան հայտարարությունից Սիրիայից ԱՄՆ զորքերի դուրս բերման մասին: «Չկա որեւէ հակասություն իմ նախնական հայտարարության հետ, մենք դուրս կգանք պատշաճ կերպով՝ միաժամանակ շարունակելով պայքարել ԻՊ-ի դեմ եւ անել անհրաժեշտ ամեն ինչ», – գրել է նախագահը:

Սակայն դեկտեմբերի 19-ին Թրամփը գրել էր. «Մենք հաղթել ենք ԻՊ- ին Սիրիայում, Թրամփի նախագահության օրոք միակ պատճառը, որ այնտեղ ենք»: Նույն օրվա իր թվիթերյան տեսահոլովակում նախագահը կատարել է գրառում. «Զորքերը վերադառնում են, եւ նրանք վերադառնում են հիմա»: Նա նաեւ բացատրել է.« Մենք հաղթել ենք Իսլամական պետությանը: Մենք նրանց պարտության ենք մատնել, խոշոր պարտության»:

Չնայած հաղթանակի հռչակմանը, Թրամփը եւ բարձրաստիճան պաշտոնյաներն ասում են, որ ԱՄՆ-ի կողմից նշված ահաբեկչական կազմակերպության դեմ պայքարը կշարունակվի Սիրիայում:

«Մենք չենք կարող վերջնականապես դուրս գալ, քանի դեռ Իսլամական պետությունը չի վերացել», – ասել է Թրամփը կիրակի օրը: Նախագահի ազգային անվտանգության հարցերով խորհրդական Ջոն Բոլթոնը նաեւ ասել է, թե զորքերը կմնան Սիրիայում մինչեւ ԻՊ-ն վերջնական պարտություն չկրի ու ապահովվի Վաշինգտոնի քուրդ դաշնակիցների անվտանգությունը, որը կարող է շատ ամիսներ կամ տարիներ տևել:

Այնուամենայնիվ, Թրամփը պնդում է իր երկուշաբթի օրվա թվիթում, որ տեղեկությունը «շատ սխալ է»:

Նախագահի կտրուկ դեկտեմբերյան որոշումը՝ ԱՄՆ-ի հակամարտությունից դուրս գալու մասին բուռն արձագանք է ունեցել իր սեփական վարչակազմում եւ Հանրապետական ​​կուսակցության մեջ: Գեներալ Ջեյմս Մատիսը, ով պաշտպանության նախարարն էր, հայտարարեց իր հրաժարականի մասին՝ նշելով իր խորը անհամաձայնությունը այս քայլի հետ: ԱՄՆ – ի դեսպան Բրետ Մակգուրկը նույնպես հեռացավ, իսկ բազմաթիվ հանրապետական օրենսդիրներ քննադատեցին Թրամփի հայտարարությունը:

 

Հանրապետական սենատոր Լինդսի Գրեհամը Հարավային Կարոլինայից, որը, որպես կանոն, դաշնակից է նախագահին, թվիթերյան գրառման միջոցով որոշումը անվանեց Օբամայի ոճի սխալ որոշում: Նա նաեւ ընդգծեց, որ ԻՊ-ն լիովին պարտություն չի կրել:

Սակայն որոշ քաղաքական գործիչներ աջակցեցին Թրամփի որոշմանը, այդ թվում` Մասաչուսեթս նահանգի դեմոկրատ սենատոր Էլիզաբեթ Ուորենը, ով վերջերս հայտարարեց, որ կմասնակցի ընտրություններին 2020 թ. ընդդեմ Թրամփի: Անցյած շաբաթ Ուորենը MSNBC- ին ասաց, որ Թրամփը «ճիշտ» է, որ զորքերի դուրս է բերում: Սակայն նա նաեւ քննադատեց որոշման կտրուկ ձևը՝ ասելով, որ նման քայլը պետք է քննարկվի եւ պատշաճ կերպով պլանավորվի դաշնակիցների հետ՝ «տարածաշրջանում անվտանգության եւ կայունության ապահովման» համար:

Հոդվածի բնօրինակն՝ այստեղ

Write a comment