Թուրքիան և Իրանը միավորվում են ԱՄՆ պատժամիջոցների դեմ 

Հոդվածի առանցքում

• Թուրքիան և Իրանը, ինչպես հաղորդվում է, պատրաստվում են բարտերային համակարգ ստեղծել՝  շրջանցելու ԱՄՆ պատժամիջոցները: Որոշումը քննարկվում է, քանի որ Վաշինգտոնը դադարեցրել է Իրանից նավթ գնելու ութ երկրների արտոնությունը:

Ուշադրությանն արժանի

• Երբ Թրամփը զանգում է ընկերներին, չինացիները և ռուսները լսում են ու սովորում
• Հայաստան. Վարչապետի և խորհրդարանի հակամարտությունը կարող է բերել ցույցերի նոր ալիք
• Կարճ ուղեցույց Հարավային Կովկասի երկրները հասկանալու համար․ Հարավային Կովկասը՝ Թոմաս դե Վաալի աչքերով

 

Թուրքիան և Իրանը, ինչպես հաղորդվում է, պատրաստվում են բարտերային համակարգ ստեղծել՝  շրջանցելու ԱՄՆ պատժամիջոցները: Որոշումը քննարկվում է, քանի որ Վաշինգտոնը դադարեցրել է Իրանից նավթ գնելու ութ երկրների արտոնությունը:

Թրամփի վարչակազմը այս շաբաթ հայտարարել էր, որ այլևս չի ազատի ութ երկրներին պատժամիջոցներից, եթե նրանք մայիսի 2-ից հետո շարունակեն գնել իրանական նավթ:

Թուրքիան հայտարարել է, որ չի ընդունի պատժամիջոցներ հարևանից նավթի ներմուծման պատճառով՝ հավելելով, որ Թրամփի պատժամիջոցները «չեն ծառայում տարածաշրջանային խաղաղությանը և կայունությանը»:

«Մենք չենք ընդունում միակողմանի պատժամիջոցներ և ուղղորդումներ, թե ինչպես կարգավորենք մեր հարևանների հետ հարաբերությունները», – հայտարարել է Թուրքիայի արտգործնախարար Մևլութ Չավուշօղլուն:

ԱՄՆ Պետքարտուղար Մայք Պոմպեոն նշել է, որ պատժամիջոցները կդադարեցնեն Իրանի նավթային եկամուտների հոսքը, որը տարեկան կազմում է ավելի քան 50 մլրդ դոլար:

Չավուշօղլուն հերքել է Պոմպեոյի խոսքը, թե Սաուդյան Արաբիան և Միացյալ Արաբական Էմիրությունները կարող են իրանական նավթի մատակարարումների փոխարեն այլ տարբերակ գտնել:

«Իրանը բացի այլ երկրներից նավթ գնելը չափազանց հեռու է գնում և խախտում է Առևտրի համաշխարհային կազմակերպության կանոնակարգը», – ավելացրել է նախարարը:

Իրանի արտգործնախարար Ջավադ Զարիֆը այցելել է Անկարա՝ նախքան Վաշինգտոնը  կդադարեցներ պատժամիջոցներից խուսափող արտոնությունները և քննարկել է երկկողմ առևտրի այլընտրանքային մեխանիզմները:

Չավուշօղլուն նշել է, որ Թուրքիան և Իրանը կարող են այլընտրանքային մեխանիզմներ փնտրել, ինչպիսին Instrument In Support Of Trade Exchanges-ն: Սա Եվրոպական միության կողմից սահմանված մեխանիզմն է, որն ԱՄՆ-ի պատժամիջոցները շրջանցելու համար նախատեսված երկկողմ առևտրի հնարավորությունն է:

Թուրքիան տնտեսական վնասներ կկրի, եթե իրանական նավթի և գազի ներմուծումը արգելափակվի, հայտարարել է Sigma Insight Turkey ընկերության նախագահ Նեջդեթ Փամիրը:

«Իրանը նախընտրեց նավթ մատակարարել ավելի բարենպաստ պայմաններով, քան իր մրցակիցները, ինչպես ցածր գների, այնպես էլ վճարումների ժամանակցույցի մասով, որպեսզի որոշ երկրներ, ներառյալ Թուրքիանմ չկորցնեն իրենց շուկայական մասնաբաժինը», – ավելացրել է էներգետիկայի ոլորտի մասնագետը:

2017-ի հոկտեմբերին թուրքական և իրանական կենտրոնական բանկերը պայմանավորվեցին իրենց արժույթներով առևտուր անել: Ինչպես հայտնի է, ԱՄՆ-ը պահպանում է դոլարի գերակշռությունը նավթի առևտրի վրա:

Փամիրը նշել է, որ Թուրքիան կփորձի անտեսել Թրամփի պատժամիջոցները՝ Անկարայի և Վաշինգտոնի միջև լարվածության պատճառով: ՆԱՏՕ-ում դաշնակից այս երկրները ներկայում գտնվում են լարվածության փուլում, քանի որ Թուրքիայում Ռուսաստանից գնում է S-400 հակաօդային պաշտպանության համակարգեր:

Խաղաղության Նոբելյան մրցանակակիր Շիրին Էբադին հայտարարել է, որ աջակցում է Իրանի դեմ պատժամիջոցների կիրառմանը, սակայն միայն այն դեպքում, եթե դրանք չեն վնասի այդ երկրի բնակչությանը:

Հոդվածի բնօրինակն՝ այստեղ