Թուրքական ուժերը կմտնեն քրդական Սիրիա

Հոդվածի առանցքում

• Թուրքիայի արտգործնախարարը հաստատել է, որ թուրքական ուժերը վճռական են Եփրատ գետն անցնելու և Սիրիայի քրդերի հսկողության տակ գտնվող տարածք մտնելու հարցում, չնայած Վաշինգտոնի և Անկարայի նախորդ հայտարարությունների համաձայն՝ Թուրքիան հետաձգելու էր ռազմական գործողությունները: Մեվլութ Չավուշօղլուն երեքշաբթի կայացած ճեպազրույցում լրագրողներին ասել է, որ «եթե Թուրքիան ասում է, որ կմտնի, ուրեմն՝ դա կլինի»:

Ուշադրությանն արժանի

• Թուրքախոս հայեր, ովքեր երբեք չեն այցելել Թուրքիա
• Մի հանցավոր ռեժիմ մարտահրավեր է նետում ԱՄՆ-ին
• Թրամփը կարծում է, թե պատժամիջոցների արդյունքում Չինաստանը կկլանի Մերձավոր Արևելքը

Չնայած ռազմական արշավի հետաձգման առաջարկներին՝ Թուրքիայի արտգործնախարար  Մեվլութ Չավուշօղլուն պնդում է, որ զինվորները կմտնեն Սիրիայի հյուսիս։

Թուրքիայի արտգործնախարարը հաստատել է, որ թուրքական ուժերը վճռական են Եփրատ գետն անցնելու և Սիրիայի քրդերի հսկողության տակ գտնվող տարածք մտնելու հարցում, չնայած Վաշինգտոնի և Անկարայի նախորդ հայտարարությունների համաձայն՝ Թուրքիան հետաձգելու էր ռազմական գործողությունները:

Մեվլութ Չավուշօղլուն երեքշաբթի կայացած ճեպազրույցում լրագրողներին ասել է, որ «եթե Թուրքիան ասում է, որ կմտնի, ուրեմն՝ դա կլինի»: Չնայած արտաքին գործերի նախարարը ժամանակը չի նշել, Թուրքիայի նախագահ Ռեջեփ Թայիփ Էրդողանն անցյալ շաբաթ հայտարարեց, որ Թուրքիան հարձակումը կկասեցնի տարածքից ամերիկյան զորքի հեռանելու մասին ԱՄՆ-ի հետ համաձայնության շրջանակում:

Դոնալդ Թրամփը զարմացրեց իր վարչակազմին և միջազգային գործընկերներին անցյած շաբաթ արած հայտարարությամբ, որով  հաջորդ 60-100 օրերին դադարեցվելու են Սիրիայում ամերիկյան 2000 հատուկ նշանակության ուժերի գործողություններն ու Իսլամական պետության դեմ օդային հարձակումները: Որոշումը հրահրեց երկու՝ պաշտպանության նախարար  Ջիմ Մատտիսի և Իսլամական պետության դեմ կոալիցիայի դեսպան Բրետ ՄաքԳուրկի հրաժարականը:

ԴԱԻՇ-ի դեմ պայքարում ԱՄՆ-ն երկար ժամանակ համագործակցել է Սիրիայի քրդերի առաջնորդների հետ,  չնայած Թուրքիան նրանց ընդունում է ահաբեկչական համարվող Քրդական անջատական շարժման (PKK)շարունակությունն իր սահմաններում:

Թրամփի որոշումը թելադրված է այս ամսվա սկզբին Էրդողանի հետ ունեցած հեռախոսազանգով, որի ժամանակ նա նախապես որոշել էր ճնշում գործադրել թուրքական առաջնորդի վրա Սիրիայի քրդերի նկատմամբ սպառնալիքը դադարեցնելու հարցով:

Թուրքիան կստանձնի իսլամական պետության վերջին մնացորդների դեմ պայքարի շարունակությունն ու «սեփական ուժերով կչեզոքացնի իսլամիստներին», ասել է Չավուշօղլուն: Միջազգային կոալիցիայի ապագան մնում է անորոշ:

Արտաքին գործերի նախարարը քննադատել է նաև Ֆրանսիայի նախագահ Էմանուել Մակրոնին, որը հայտարարել է, թե ֆրանսիական ուժերը որպես բուֆեր կմնան քրդական Սիրիայում:

«Եթե Ֆրանսիան Սիրիայում մնա քրդական ուժերին պաշտպանելու համար, դա չի օգնի ոչ Ֆրանսիային, ոչ էլ քրդերին», – ասել է նա, դիմելով Սիրիայի հիմնական քրդական խմբավորմանը  և ավելացրել, որ Թուրքիան իր հարցերը կլուծի Վաշինգտոնի, ոչ թե Փարիզի միջոցով:

Սպիտակ տունը հաստատել է Չավուշօղլուի հայտարարությունը, թե Թրամփը 2019 թվականին Թուրքիա այցի հրավեր է ստացել, չնայած ուղևորության ժամկետը ճշտված չէ:

ՆԱՏՕ-ի երկու դաշնակիցները համաձայնության են եկել մի շարք հարցերի վերաբերյալ, որոնք վերջին տարիներին նրանց միջև պառակտում էին առաջացրել. մեկը ԱՄՆ-ի աջակցությունն էր Սիրիայի քրդական զինված խմբավորումներին, մյուսը՝ Թուրքիայում ԱՄՆ-ի քաղաքացի, քահանա Անդրյու Բրանսոնի երկու տարով ազատազրկումն էր:

Բրանսոնին ազատ  արձակեցին ու ԱՄՆ վերադարձրին հոկտեմբերին: Թուրքական դատարանը դադարեցրեց 2016 թ. չհաջողված ռազմական հեղաշրջման հետ կապված ահաբեկչական հանցագործությունների մեղադրանքով քահանային ներկայացված պատիժը:

Այն կարծիքը կա, որ անսպասելի մեղմացման համար կատալիզատոր է համարվում այս տարվա սկզբին Ստամբուլում Սաուդյան Արաբիայի հյուպատոսությունում սաուդցի լրագրող Ջամալ Խաշոգջիի մահը: ԱՄՆ-ն ձգտում է Ռիյադի իր գործընկերներին,  այդ թվում Սաուդյան թագաժառանգ Մոհամմեդ բին Սալմանին, պաշտպանել մեղադրանքից:

Էրդողանը պնդում է, որ Սաուդյան Արաբիայի թագավորական պալատի բարձրաստիճան այրերը պատասխանատու են Խաշոգջիի սպանությունը պատվիրելու հարցում:

Թուրքիան, այլ երկրների հետ ձգտում է, որ ՄԱԿ-ը չլուծված գործի հետաքննություն անցկացնի, Չավուշօղլուն հայտարարել է երեքշաբթի:

Հոդվածի բնօրինակն՝ այստեղ