Գերմանիայի ոստիկանությունը մտահոգ է հայ օրենքով գողերի ակտիվությամբ

Հոդվածի առանցքում

• «Շպիգել»-ը հաղորդում է, որ ծագումով Կովկասից կազմակերպված հանցավոր խմբերը հզոր կրիմինալ ենթակառուցվածքներ են ստեղծել Գերմանիայում:

Ուշադրությանն արժանի

• Մակրոն հրաժարվում է զուգահեռներ անցկացնել ֆրանսիական «դեղին անթև բաճկոնների» բողոքի ցույցերի և Բրեքզիթի միջև
• Լեռնային Ղարաբաղի նախագահն առաջին անգամ այցելեց Ֆրեզնո
• Հայաստանը դառնում է արշավականների զբոսավայր. Կատարյալ չէ, բայց տեսարանները… Օ՜հ…

 «Շպիգել» թերթի տեղեկություններով, վերջին երեք տարում Գերմանիայի ոստիկանության մի քանի բաժանմունքներ գաղտնի գործողություն են իրականացրել` հայկական մաֆիայի անդամներին գտնելու և ձերբակալելու նպատակով: Հետախուզության ֆեդերալ ծառայութունը և Եվրոպոլն օգնել են հետաքննությունն իրականացնող սպաներին, սակայն գերմանական հետախուզությունը խորհուրդ է տվել չընդունել Գերմանիայում Հայաստանի դիվանագիտական ներկայացուցչության օգնությունը, քանի որ չեն բացառվում օրենքով գողերի և Հայաստանի պետական կառույցների ներկայացուցիչների միջև կապը:

Հայկական հանցավոր խմբերի պարագլուխների անունները չեն հրապարակվում, բայց Շպիգելը նրանց բնորոշում է որպես ռուսական-եվրասիական ծագումով կազմակերպված խմբի բարձրաստիճան հեղինակություններ:

Պարբերականը նաև նշում է, որ հակառակ օրենքով գողերի դեմ պայքարում ներգրավված մեծաթիվ ոստիկանների և հատուկ ծառայությունների ներկայացուցիչների, ոստիկանությունը դեռ իրական հաջողություն չի գրանցել:

Գերմանիայում հայկական մաֆիան սկսել է գործել 2014-ից` Էրֆուրթ քաղաքում 20014-ի հուլիսին երկու կրիմինալ խմբավորումների միջև հրաձգությունից հետո: Այնուամենայնիվ, հակառակ եղած ապացույցներին, քննության արդյունքները դեռ չեն հասել մեղադրանքների առաջադրման փուլին և դատավարության:

Ինչպես ավելի վաղ գրել էր The CrimeRussia–ն, Իսպանայում ոստիկանությունն ավելի հաջողակ է հայկական մաֆիայի դեմ գործելիս:  Մի քանի ամիս առաջ, Իսպանիայի 6 շրջաններում մասշտաբային հատուկ գործողության արդյունքում ձերբակալվել էր 140 կասկածյալ, որոնց թվում 6 օրենքով գող:  Բոլոր նրանք, ըստ կատարած հանցագործությունների, մեղադրվել են զենքի և թմրանյութերի անօրինական վաճառքի, ծխախոտի մաքսանենգության, փողերի լվացման հոդվածներով:

Հոդվածի բնօրինակն՝ այստեղ: