ԱՄՆ-ի Սենատը կրկին փորձում է Ռուսաստանի պատժամիջոցների մասին օրինագիծ անցկացնել

ԱՄՆ-ի Սենատը կրկին փորձում է Ռուսաստանի պատժամիջոցների մասին օրինագիծ անցկացնել

Հոդվածի առանցքում

  • Միացյալ Նահանգների երկու կուսակցությունների սենատորները չորեքշաբթի օրինագիծ են ներկայացրել, որը ԱՄՆ-ում կայացած ընտրությունների և Ուկրաինայի նկատմամբ ագրեսիայի համար նոր պատժամիջոցներ է կիրառելու Ռուսաստանի նկատմամբ: Դա Կոնգրեսի ջանքերից էր՝ միտված նախագահ Դոնալդ Թրամփին ստիպելու կոշտ արձագանք տալ Մոսկվայի գործողույուններին:

Ուշադրությանն արժանի

 

Միացյալ Նահանգների երկու կուսակցությունների սենատորները չորեքշաբթի օրինագիծ են ներկայացրել, որը ԱՄՆ-ում կայացած ընտրությունների և Ուկրաինայի նկատմամբ ագրեսիայի համար նոր պատժամիջոցներ է կիրառելու Ռուսաստանի նկատմամբ: Դա Կոնգրեսի ջանքերից էր՝ միտված նախագահ Դոնալդ Թրամփին ստիպելու կոշտ արձագանք տալ Մոսկվայի գործողույուններին:

Այն ներկայացրեցին հանրապետական ​​սենատոր Լինդսի Գրեհեմը և դեմոկրատ սենատոր Բոբ Մենենդեզը, ինչպես նաև Սենատի արտաքին հարաբերությունների հանձնաժողովի մյուս անդամները: Դա գործող օրենսդրության ավելի կոշտ տարբերակն է, որը նախորդ տարի ներկայացվել էր երկու օրենսդիրների կողմից, բայց չէր անցել:

Թրափմը, ով նախորդ կոնգրեսականների ջանքերը հետ միասին գնացել էր Ռուսաստանի նկատմամբ պատժամիջոցների ավելացմանը, սակայն երբեմն էլ դժկամությամբ, պետք է ստորագրի ընդունված օրինագիծը դրան օրենքի ուժ տալու համար:

Սպիտակ տունը անմիջապես չի արձագանքել օրինագծի վերաբերյալ մեկնաբանության խնդրանքին:

Նոր պատժամիջոցների թիրախները ներառում են ռուսական բանկերը, որոնք աջակցում են արտասահմանում ընտրությունների միջամտելու ջանքերին, երկրի կիբեր ոլորտին, և անհատներ, ովքեր «նպաստում են անօրինական և կոռումպացված գործունեությանը անմիջականորեն կամ անուղղակիորեն ծավալմանը` Ռուսաստանի նախագահ Վլադիմիր Պուտինի անունից »:

Օրինագիծը նախատեսում է նաև մի շարք խիստ միջոցներ Ռուսաստանի նավթի և գազի ոլորտի նկատմամբ, որը կազմում է Ռուսաստանի կառավարության եկամուտների շուրջ 40 տոկոսը, այդ թվում, պատժամիջոցներ այն մարդկանց հանդեպ, ովքեր աջակցում են ապրանքների, ծառայությունների կամ ֆինանսներ, երկրում նավթի ոլորտի զարգացմանը, ինչպես նաև ՌԴ-ից դուրս գտնվող ռուսական պետական ​​էներգետիկ նախագծերը, ներառյալ հեղուկ գազի նախագծերում ներդրումները, որոնց նկատմամբ նույնպես պատժամիջոցներ կկիրառվեն:

Համաշխարհային էներգետիկ ընկերությունները, ներառյալ BP- ը, Shell- ը և ENI- ը, ամենայն հավանականությամբ, դեմ կլինեն օրինագծին, ինչպես նաև ԱՄՆ-ում գործող ընկերությունները, ներառյալ Exxon Mobil Corp- ը և Chevron Corp- ը: BP- ն ունի մոտ 20 տոկոս Ռոսնեֆտ ընկերությունում, որը Ռուսաստանի ամենամեծ նավթային արտադրողն է:

Բրայեն Օ’թուլը, ով աշխատել է Միացյալ Նահանգների գանձապետարանում նախկին նախագահ Բարաք Օբամայի օրոք, ասում է, որ Կոնգրեսը այս առնչությամբ բանակցություններ է վարում Թրամփի վարչակազմի հետ, չնայած որոշ դրույթներ, հատկապես էներգետիկայի մասով, պետք է վերանայվեն բավարար աջակցություն ստանալու համար:

«Բայց ես կարծում եմ, որ Ռուսաստանի վրա զայրացած են այժմ ոչ միայն Դեմոկրատական ​​կուսակցությունը », – ասել է Օ’թուլը:

Պայքարը Թրամփի հետ

Կոնգրեսի անդամները, այդ թվում նաև Թրամփի հանրապետական կուսակցության ներկայացուցիչները, նախագահին դրդում են ավելի ակտիվորեն գործել Մոսկվայի դեմ իր նախագահության ընթացքում, որը ստվերվել էր Ռուսաստանի հետ կապված գործով:

ԱՄՆ հատուկ հետաքննող Ռոբերտ Մյուլլերը ուսումնասիրում է ռուսական միջամտությունը 2016 թ. ԱՄՆ ընտրություններին և Մոսկվայի հնարավոր շփումը Թրամփի քարոզչական թիմի հետ: Ռուսաստանը հերքել է ընտրություններին միջամտելու մասին մեղադրանքը, իսկ Թրամփը հետաքննությունը անվանել է վհուկների որս:

Սենատը, որտեղ հանրապետականները մեծամասնություն ունեն, անցյալ ամիս ձախողվեց ընդունել օրինագիծը ռուս օլիգարխ Օլեգ Դերիպասկայի հետ կապված ռուսական ընկերությունների վերաբերյալ:  Օրենսդիրները խոստացել են կրկին փորձել:

Մենենդեզը հայտարարել է, որ Կոնգրեսը ցանկություն է հայտնել արձագանքել Սիրիայում տեղի ունեցող հումանիտար աղետին, որտեղ Ռուսաստանը պաշտպանում է նախագահ Բաշար ալ-Ասադին, Մոսկվայի ագրեսիային Ուկրաինայում և «միջազգային նորմերի ոտնահարման»:

Գրեհամը, ով առաջատար դեր ունի հանրապետականների արտաքին քաղաքականության ոլորտում և Թրամփի դաշնակիցն է, հայտարարել է, որ ինքը պատրաստվում է Մոսկվային ուղարկել կոշտ ուղերձ:

«Մեր նպատակն է փոխել ստատուս քվոն և նշանակալից պատժամիջոցներ և միջոցներ կիրառել Պուտինի Ռուսաստանի դեմ», – հայտարարել է Գրեհեմը: «Պետք է դադարեցնել և խուսափել ԱՄՆ ընտրական գործընթացում միջամտեությունը, ամերիկյան ենթակառուցվածքներում կիբերհարձակումները, դուրս բերել Ռուսաստանը Ուկրաինայից և դադարեցնել Սիրիայում քաոսը»:

Օրենքը, որը կոչվում է « Ակտ Կրեմլի ագրեսիայից Ամերիկյան անվտանգության պաշտպանության մասին», հայտնի որպես DASKA, կստեղծի ԱՄՆ քաղաքական գրասենյակներ կիբեր պաշտպանության և պատժամիջոցների համակարգման համար: Այն ներառում է նաև Պուտինի ակտիվների վերաբերյալ զեկույց:

Օրինագիծը ներկայացրեցին նաև հանրապետական ​​սենատոր Քորի Գարդները և դեմոկրատ սենատոր Բեն Քարդինը և Ջեն Շահինը:

Հոդվածի բնօրինակն՝ այստեղ

 

Write a comment